朋友

今日收到 Irene o既 email，有少少意外：因為自從上次我寄左 NYC o的相俾佢，佢覆左我幾句野，大家就冇聯絡。但係佢話佢 send 左幾封 email 俾我，唔知點解我冇覆，咁我都唔知點解我收唔倒。不過是但啦，知唔知點解都冇乜所謂... Irene 係我去 NYC 唐人街報團去 DC o個時既團友，因為我地兩個都係一個人自己 join 團，又差唔多大，所以會熟。佢話佢以前o係緬甸讀書個時，讀左兩間大學都笠左，所以過左 LA... 佢學左少少廣東話。佢話佢唔識廣東話o個時，唐人街間麵包鋪唔肯賣麵包俾佢。我諗一個人過去生活都唔係咁易... [本來可能會同佢同房，但係我加左 45 蚊自己一間房。其實o係o的鄉下地方，一個人一間房都幾驚，不過我又冇話訓唔著。之後去到 Empire State，發現 50 蚊可以買倒隻紀念版 swatch，非常後悔用左o個 45 蚊換左一晚既安全感] 有時我會覺得好得意，點解大家住咁遠，唔係好同既兩個人都會撞倒。我亦都唔係好明，點解我會o係香港識個係度逗留幾個月，可以教我德文既人。仲有點解我坐 40 號，會成日撞到個幾肥既女人，次次o係度食麵包... =P 唔...