點解寫日記？

個幾星期前，俾一個法國人問我知唔知有幾多人咁唔好彩，蕩失路去左我個 blog，睇完一堆無聊o野，一o的野都學唔倒。佢話如果你寫的野有o的娛樂性都好，但係你又唔係小丑。哇... 駛唔駛插到咁盡呀... =p 其實我重來都冇諗點解我要寫，我答佢係寫黎俾o的想知你搞緊乜、但係又唔好意思問既朋友睇... 佢話我亂咁寫野，會俾中國政府拉。其實我都唔係好夠佢講，最後只係彈左句：我又冇叫你睇，你唔好干涉我既自由。 佢都同我講過佢識o的香港人都有個 blog，我又知道好多德國人都有個 site，佢話法國冇香港咁多，佢睇o的 blog 都係好多野學既... 唔夠佢鬥既係：佢同我講o的野，我又真係有好多都唔識... 突然間覺得自己要學多o的唔同既野，唔可以令佢覺得我咁笨... 不過我今日又走去睇左兩個人既 diary，睇個時都幾得意呀，定係我無聊...