夠竟而家係搞緊乜？

今日下晝o個個讀神學既美國人冇啦啦打黎，有o的俾佢嚇親。因為佢係度冇電話，又冇電腦 (叫左佢帶，只係佢諗住冇電腦去旅行會方便o的，但係係德國呢個咁落後既地方，冇電腦真係會死... :p)。有時o的野真係好似拍戲咁拍，佢住正係我樓下兩層同一個單位。用對講機叫左佢去中國餐廳食飯。佢打爛左隻杯... :p 第一次見o的非常 high level o既基督徒，係香港真係從來都冇見過。佢同我一路食飯一路講，對於我呢個差唔多任何歷史都唔識既人黎講，有o的係對牛彈琴。但係佢冇好直接咁講佢係中國俾人拉o的o野，只係講左少少 (其實呢樣係我最想知既野)。佢亦都唔係個隻踢你入會既人，佢只係話佢覺得 christian 係唯一一個有歷史根據既宗教，佢信既係 objective 既 fact，唔係 subjective 既 value。呢個係佢個 church 同其他 church 既主要分別。 佢同我講o的馬丁路德、philosophy、德國歷史 etc. ，基本上我都搭唔倒咀，因為真係少少都唔識。我諗佢都 feel 倒我唔出聲，但係唔知點解佢要獨撐三粒鐘，冇乜 dead air... 我同佢總結，對我黎講呢個世界有冇神同埋我死左之後會點，唔係我而家最想知既野。(其實我想聽佢講o的 church 既分別多o的，不過佢又冇乜講。) 佢話佢唔明我點解可以咁，我夠唔明點解佢可以咁啦。 佢話聖經冇講過點解神要創造天地，佢都唔知點解佢可以有 faith，佢話呢個係一個 gift (咁我當然會問點解神唔俾呢個 gift 我 :p)。 唔通真係好似 Kumiko 咁講， "Die Welt ist einfach so. Es gibt vielleicht keinen Grund warum..." 不過我覺得，我唔可以解釋點解我會見倒呢個由美國黎既人，佢又住正係我樓下。 If the world is govered by some rules, the people whom we are going to meet in our lifes must be preset.